Ekkert dregur úr árásum á írönsk bahá'í skólabörn á öllum aldri

SAMEINUÐU ÞJÓÐIRNAR, 7. júní 2007 (BWNS) — Skýrslur og ýmis skjöl sem hafa borist frá Íran síðustu sex mánuði benda til áframhaldandi og stigvaxandi víðtækra og skipulagðra ofsókna íranskra stjórnvalda gegn bahá'íum í Íran.

Sönnunargögnin greina frá áframhaldandi aðgerðum stjórnvalda í því skyni að leita uppi og bera kennsl á bahá'ía og halda uppi eftirliti með þeim; enn fremur hafa fengist staðfest tilfelli um valdmisbeitingu og misrétti gegn bahá'í nemendum og börnum, um auknar aðgerðir sem miða að því að svipta bahá'ía lífsviðurværi sínu og atvinnu, og áframhaldandi árásir í opinberum fréttamiðlum á bahá'í trúna.

„Þessar auknu aðgerðir er í eðli sínu mjög óheillavænlegar og nokkuð sem veldur bahá'íum um allan heim miklum áhyggjum," segir frú Bani Dugal, aðalfulltrúi Alþjóðlega bahá'í samfélagsins hjá Sameinuðu þjóðunum.

„Talið er að upplýsingaráðuneyti Írans hvetji til og skipuleggi kerfisbundið þessar aðgerðir með það að markmiði að skapa ótta meðal bahá'ía, gera þá viðkvæmari fyrir líkamlegum árásum og auka á félagslegt óöryggi þeirra og öryggisleysi varðandi búsetu," segir frú Bani Dugal enn fremur.

„Tilgangurinn er greinilega að aðskilja íranska bahá'ía frá meðborgurum sínum með því að gera þá grunsamlega, ala á tortryggni í þeirra garð, og jafnvel hatri, og þannig er reynt að stöðva félagslegar, efnahagslegar og menningarlegar framfarir þessa saklausa trúarlega minnihluta, og einnig er um leið reynt að koma á óstöðugleika í samfélagi þeirra," segir frú Bani Dugal að lokum.

— JBÁ / Þýtt og endursagt úr ensku af vefsíðu Bahá'í alþjóðafréttaþjónustunnar: BWNS — Bahá'í World News Service (óendurskoðið þýðing); vefslóð á upprunalega frétt, myndskreytta, á ensku:

http://news.bahai.org/story/552